الهندسة والفنون
مع باقة ورد عطرة منتدى الهندسة والفنون يرحب بكم ويدعوكم للإنضمام الينا

د.م. أنوار صفار






الهندسة والفنون

 
الرئيسيةالرئيسية  البوابةالبوابة  التسجيلالتسجيل    دخولدخول          

شاطر | 
 

 قاموس مفردات اللهجة اللادآانية ( اللاذقانية ).

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فؤاد حسني الزعبي
المراقب العام المميز
المراقب العام المميز
avatar

العذراء
تاريخ التسجيل : 22/10/2011
العمر : 74
البلد /المدينة : فيينا - النمسا

مُساهمةموضوع: قاموس مفردات اللهجة اللادآانية ( اللاذقانية ).   12/6/2015, 17:31

قاموس مفردات اللهجة اللادآانية ( اللاذقانية ).


قواعد اللغة اللادئانية:
1. في اللهجة اللاذئانية يحذفدائما اخر حرف في الجملة او الكلمة اذا كانت مفردة
2. في اللهجة اللاذقانية تمدالكلمة دائما ثلاث حركات مد لازم
3. في اللهجة اللاذقانية تشدد دائما الكلمات في اوسطها
4. في اللهجة اللاذقانية الافعال الضعيفة تضاف اليها كما ( نهنه ) في مؤخرتها مثل ( اخدوهنه ) ( اتلوهنه ) ( دبحوهنه ) ( ابوهنه ) مع كسر الهاء
5. كافّة الكلمات التي تحوي حرف الألف تقلب إلى واو عريضة
الكلمات :
اهم كلمة في اللهجة اللاذقانية هي كلمة عيّن ، حتى انو اللادقاني بينعرف من
هالكلمة،
عيِّن = انظر
زتـّا = ارمها
اشْلفا = ارمها
ازِرْكو = احْشكو = حاصرو
خـَيسو = اضربو بالسكين
لمّط = لم = شيل
قـبّوع = كيس و تقال أحياناً للشخص الغبي بغيابو
أبتول = غبي
كريم (تلفظ الكاف متل الجيم المصرية)= كريم اللي يستعمل للدهن متل كريم الوش
تتشيّع = هادا الفعل حالة خاصّة جداّ ، لأنو يستعمل بدل أي فعل ، طبعاً و تشتقّ عنو الشايعة و الشايع ولكن 
طبيعة هالفعل بتنقال في حالة الاشمئزاز من شيء أو الانزعاج من شيء معيّن
مسكليتة = بسكليتة = الدراجة
ريحة = بارفان
جاكيّة = جاكيت
باكيّة = باكيت
خفّافة = بوط رياضة
عليا طول = على طول ولكن نادراً ما تسمع هالكلمة
السيبا = السلـّم
العمىىىىى = تقال في حالة الصدمة و غالباً من شيما كويّس
كتّ = عبّي
إبّا = ارفعها
جلموء = مصلحجي
حمزة = يلي يحشرحالو بكل شي
معلاء = بيتدخل بكل شي
اسْكمْبري = نوع من السمك = جحش
اشْكمو= اخذلو
يبأبــِش = يلخْبــِص = يلعب بأصابعه
بالورب = بالمايل
عواءبك = شرف العيلة
آآآ ( مد لازم 12 حركة مع فتح الفاه ) = للتعجب والإستفهام
اعْركا = حكّا
شْـفاتير = شفايف
كلاكيش = غراض
مأنتن = وسخ
صفدعة = ضفدعة
ملنـّص = واصل عل قمة ( توب )
ضبع = طنط
إيّاعااا = إيّا عزّةةة = شَحّاري= شحميطي ( هيدي جبلاوية ) = التعجبالكثير
مكن = قوي
عكّيد = أبضاي
عَمْشة = وسخ الانف
سأرأ = علبة معدنية
دَرْبَكو = دَعْتـَرو = اوقعه ارضا
زنزوءة = مرجوحة
شئليبة = قلّيبة
مْأنشِح = وسخ
ألشين = جرابات
ألْشِت = زحطت
أشأ = الطريق الغير معبد = خرج عن الطريق
طـَرْوَشو = صرعو
زْلاعيم = لوزات
خروء = ضعيف
اكْعَرو = اصْغـَرو = اطردو
زَمَأ = مر
بَحَت =مات
طـَشّة = أهبل
إيش ياه = شو ياه
مَكـَـنة (الكاف هون متل حرف الجيم بالمصري) = موتور
مشْنِص = نوع منالموتورات في عام ال 20
مشنص ( مصطلح ) = حظو حلو
دشّـو = تركو
أهتر = أهبل
جيعان = جوعان
هبّور = شرشوح
معتـّر = مسكين = ضريب سكاكين
تليانة = مليانة
صحفة = نفاضة سواكير
بتـّو = بنتو
أخوّي = أخي
زاوة = زاوية
هردبشت = هبور
يا بو = للمناداة
لألوء = الذي يتنقل من مكان الى آخر و يلي بيلزق عليك
عليّ ما عليّ (مع تسكين الياء) = للحلفان
مَـش = دليل على اللاشيء
إتـّة = انت
فـَهْنه = يوجد
آي = نعم
بردلي = أنا بردان
بربيش = خرطوم أو مربيش
فا = يوجد ( في واحد دخل عمحل و سألو : فا فا ؟ ( فا : نوع صابون ) ... قام قلو البياع : و الله فا بس ما فا
إسّا = لسّا
يحمّك = دعوة بالشر و الحمى
فلوكا = مركب الصيدالمتوسط الطول
لنش = مركب الصيد الطويل و الكبير
بَبّور = سفينة
رَيسي = معلمي
ما عن طـَيبي = ما عن قصدي
يلعن سلسفيلك = يلعن اجدادك
لزّ = زيح = بعّد
خمخوم = الذي يحشر انفه في كل مكان
شو دحشك = شو دخلك
أتـّورة = نـَتـّوسه = أتـّوسه = شوي صغيرة
فط = نط = اقفز
خربر = مثقبوهو أداة كهربائية للنجّاريين و الكهربجيّة
حربوْء = ذكي
كـَحَشو = طردو
دَرمِل = احليء = انقلع
فوِّج = انقلع
ليش عم تزاور = ليش عم تتطلع
مسأسئ = مليان مي أو متشتش
شنتيانة = سيف طويل طري جدا للعلئة = للمشكلة
حبْكت = كمْشت = لـَنـْصِت = وصلت للذروة
يو عين = يا عين
بلعِط = لوص = تحرك بسرعة أو احتار لحالك وهي مشتقة من بلعوط و هو ابن الضفدع
قرقوعة = مهرهرة
سيبو = اتركو
شكودري = شاوي جحش
يطلع صوب برا = يذهب إلى دورةالمياه
كل يوم تعا = يا ميت اهلا و سهلا بس لا بآ تعيدا
شكارة = شكيلة ،وهي كلمة سيئة للفتاة الرخيصة جداً
ولا خَي = يا أخي تقال تحبّباً أو إذا كنتآخد وش عالشخص اللي عم تحكي معو
طرْوَشو = طـَوَشو = خـَيَـلو = جنـّنو
صرْضْعو = مشتقة من الصرضعون وهو السلطعون ، الحيوان البحري الذي يمشي على جنبو معناها = جننو
طيك العوفة = يعطيك العافية
لأ ولو (مع التشديد على الهمزةفي الـ لأ) = للاندهاش الشديد
بسّة = قطة
مريّة = مراية
طبعاً لسّا فيكتير كلمات ،
طيكُن العوفة شبوب









الرجوع الى أعلى الصفحة اذهب الى الأسفل
 
قاموس مفردات اللهجة اللادآانية ( اللاذقانية ).
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الهندسة والفنون :: --الاعادات والتقاليد اللهجات المختلفة العربية والاجنبية والتراث :: اللهجات المحلية-
انتقل الى: